خىتاي خەۋەر تورىنىڭ 02-ئاينىڭ 13-كۈنىدكى خەۋىرىدە بىلدۈرىلىشىچە، يېقىندا كۈندىلىك تۇرمۇش بۇيۇملىرى بېسىلغان يۈك ماشىنىلىرى چۆچەك تاموژنسى تەكشۈرۈش مەركىزىدە تەكشۈرۈلمەكتە ئىكەن ، ئەگەر تەكشۈرۈش جەريانىدا نورمالسىزلىق بايقالمىسا ، بۇ ماللار گېرمانىيىگە ئېكسپورت قىلىنىدىكەن.
2024-يىلدىن باشلاپ ، شەرقىي تۈركىستاننىڭ چۆچەك تاموژنسى ئىمپورت-ئېكسپورت سودىسىنىڭ كۈچلۈك ئېشىش سۈرئىتىنى ساقلاپ كەلگەن. بۇ يىل 1-ئايدىلا 2500 دىن ئارتۇق سودا ماشىنىسى ئېكسپورت قىلىنىپ، ئوخشاش مەزگىلدىكىدىن% 29.6 ئاشقان. مۇشۇ بىر ئاي ئىچىدە ئېكسپورت قىلىنغان سودا ماشىنىلىرىنىڭ سانى يېڭى رېكورت ياراتقان. 1-ئاينىڭ 30-كۈنى چېگرادىن كىرىش-چىقىش قېتىم سانى 328 قېتىمغا يىتىپ، بۇ ئاي ئىچىدىكى ئەڭ يۇقۇرى رېكورتنى ئىگىلىگەن.
چۆچەك تاموژنىسىنىڭ ئىستاتىستىكىسىغا قارىغاندا، 2023-يىلى چۆچەك تاموجنىسىنىڭ ئىمپورت-ئېكىسپورت يۈك مىقدارى 627 مىڭ توننا بولۇپ ، ئوخشاش مەزگىلدىكىدىن% 82.4 ئېشىپ ، تارىختىكى ئەڭ يۇقىرى رېكورتنى ياراتقان. 2023-يىلى ، شەرقىي تۈركىستاننىڭ چۆچەك رايونىدىكى خىتاي-قازاقىستان چېگرا ئېغىزىدىن ئىمپورت قىلىنغان تاۋارلارنىڭ قىممىتى 437 مىليون يۈەنگە يېتىپ ، شەرقىي تۈركىستان رايونى ئىچىدە بىرىنچى ئورۇندا تۇرغان.
خىتاي يېڭى يىل كىرگەندىن بۇيان سودا دائىرىسىنى تېخىمۇ كېڭەيتىپ، شەرقىي تۈركىستان بىلەن چېگرىداش دۆلەتلەر بىلەن ئىمپورت-ئېكسپورت مىقدارنى تېخىمۇ كۆپەيتىپ، چېگرىداش باشقا دۆلەتلەرنىڭمۇ پايدىدىن ئورتاق بەھرىمەن بولۇشىغا شارائىت يارىتىپ بېرىدىكەن.
تەييارلىغۇچى: ئالپ ئارسلان