خىتاي تەڭرىتاغ تورىنىڭ 1-ئاينىڭ 25-كۈنىدىكى خەۋىرىدە بىلدۈرىلىشىچە، 1-ئاينىڭ 24-كۈنى، قىرغىزىستان پوچتا پاي چەكلىك شىركىتى ئاتالمىش «شىنجاڭ ئەركىن سودا رايونى» نىڭ قەشقەر ۋىلايىتىگە ئورۇنلاشقان.
قىرغىزىستان پوچتا پاي چەكلىك شىركىتى قىرغىزىستاننىڭ دۆلەتلىك ئىستراتېگىيىلىك كارخانىسى.
بۇ شىركەت ئەنئەنىۋى پوچتا مۇلازىمىتىدىن باشقا ، ياۋرو-ئاسىيا ئىقتىسادىي بىرلەشمىسى ، ياۋروپا بىرلەشمىسى ، ئوتتۇرا ئاسىيا ، جەنۇبىي ئاسىيا ۋە ئوتتۇرا شەرق قاتارلىق بازارلارنىمۇ تەمىنلەيدىكەن.
24-چېسلا ئۆتكۈزۈلگەن ئېچىلىش مۇراسىمىدا ، قىرغىزىستان بىدېكان « Bidekan» چەكلىك شىركىتى ۋە ئاتالمىش «شىنجاڭ» يىخۇا ئىمپورت-ئېكىسپورت سودا چەكلىك شىركىتى ھەمكارلىق كېلىشىمى ئىمزالىغان.
قەشقەر ئۇنىۋېرسال رايون باشقۇرۇش كومىتېتى قىرغىزىستان يەر شارى تەقسىملەش چەكلىك شىركىتى، قىرغىزىستان بىدېكان « Bidekan» چەكلىك شىركىتى ۋە قىرغىزىستان ئاقنىت پاختا پىششىقلاپ ئىشلەش شىركەتلىرى بىلەن ئايرىم ئايرىم ھالدا ھەمكارلىق كېلىشىمى ئىمزالىغان.
تەييارلىغۇچى: ئالپ ئارسلان