خىتاي مەركىزى خەۋەر تورىنىڭ 10-ئاينىڭ 25-كۈنىدىكى خەۋىرىدە بىلدۈرىلىشىچە: ئۈرۈمچى تاموژنىسىنىڭ 2023-يىللىق سانلىق مەلۇماتلىرىغا قارىغاندا، شەرقىي تۈركىستاننىڭ تاشقى سودا ئىمپورت-ئېكسپورت ئومۇمىي قىممىتى 252 مىليارد 840 مىليون يۈەن بولۇپ ، ئوخشاش مەزگىلدىكىدىن% 47.3 ئاشقان. بۇ شەرقىي تۈركىستاننىڭ تۇنجى قېتىم تاشقى سودا ئىمپورت-ئېكسپورت ئومۇمىي قىممىتى 250 مىليارد يۈەندىن ئېشىپ ، كۆلەم جەھەتتە يېڭى بۆسۈش ھاسىل قىلغان ۋە تاشقى سودا كۆلىمى تارىختىكى ئەڭ يۇقىرى رېكورتنى ياراتقان.
بۇ يىل كىرگەندىن بۇيان، شەرقىي تۈركىستاننىڭ تاشقى سودا ئېكسپورت قىممىتى 213 مىليارد 380 مىليون يۈەن بولۇپ ، ئوخشاش مەزگىلدىكىدىن% 48.8 ئاشقان، ئىمپورت قىممىتى 39 مىليارد 460 مىليون يۈەن بولۇپ ، ئوخشاش مەزگىلدىكىدىن% 39.8 ئاشقان.
شەرقىي تۈركىستاننىڭ مېخانىك ۋە ئېلېكتر مەھسۇلاتلىرىنىڭ ئېكسپورت ئومۇمىي قىممىتى ئوخشاش مەزگىلدىكىدىن% 50 تىن كۆپرەك ئاشقان، ئېلېكترونلۇق ماشىنا ، لىتىي باتارېيە ۋە قۇياش ئېنېرگىيىسى باتارېيەسىنىڭ «ئۈچ يېڭى» مەھسۇلاتنىڭ ئېكسپورت ئومۇمىي قىممىتى ئوخشاش مەزگىلدىكىدىن% 61.5 ئاشقان.
چېگرا ھالقىغان ئىشىك ئېچىۋېتىشنىڭ داۋاملىق چوڭقۇرلىشىشىغا ئەگىشىپ، شەرقىي تۈركىستاننىڭ قازاقىستان، قىرغىزىستان ۋە تاجىكىستاندىن ئىبارەت ئۈچ چوڭ سودا ھەمراھى بىلەن بولغان ئىمپورت-ئېكسپورت قىممىتى ئايرىم-ئايرىم ھالدا% 71.2 ،% 32.5 ۋە% 93 ئاشقان، خىتاينىڭ «بىر بەلۋاغ بىر يول» نى ئورتاق قۇرۇش ئۈچۈن ھەمكارلىق ئورناتقان دۆلەتلەر بىلەن بولغان ئىمپورت-ئېكسپورت قىممىتى ئوخشاش مەزگىلدىكىدىن% 49.7 ئاشقان، ئوتتۇرا ئاسىيادىكى بەش دۆلەتكە ئىمپورت-ئېكسپورت قىممىتى ئوخشاش مەزگىلدىكىدىن% 53.8 ئاشقان.